روابي البناي
صباح الخير والحب عليكم، صباح السعادة والتسامح، صباح الوجوه البشوشة من الصبح، شلونكم أحبائي ان شاء الله تكونون بصحة وعافية وخير، وتكون أموركم كلها أحسن من الزينة يا رب. اليوم الأحد، يعني بداية أسبوع جديد، يعني خلصت عطلة نهاية الأسبوع، يعني نشاط يعني ماكو مثاوب من الصبح لأن المفروض أن تكونوا أخذتم قسط نوم كاف طوال العطلة، يعني ماكو وجوه مقلدمة، يعني ماكو كلمة مالنا خلق، يعني ماكو نظارات سوده تخش نص الوجه علشان ما تبين أثار المخدة اللي لاصقة بالخد.. فلتكن بداية اسبوعنا هذه مختلفة نرفع فيها شعار «نحو كويت بلا تقلدم»، يعني لنجعل البسمة لا تفارق محيانا حتى نرتاح ونريح من حولنا، وإن شاء الله على طول تكون الراحة مستقركم يارب.
«كويتي وأفتخر» أحد أهم الأحداث التي بدأت تبرز في الكويت، وهذا الملتقى بدأ بفكرة متميزة من ناس مميزين، لرعاية مواهب وإبداعات شبابية كويتية تحت مظلة واحدة، وتسليط الضوء عليها للاستفادة من هذه الخبرات والإبداعات. فتجد الكثير من الشباب والشابات يتسابقون للفوز بالمشاركة في فعاليات هذا الملتقى لكونه يحظى برعاية مهمة، ويحضره الكثيرون من الكويت وخارجها.
كما أن الاستعدادات له من قبل الراغبين بحضور الفعاليات تكون على قدم وساق منذ ما يقارب الشهر قبل الافتتاح، فتجد البنات يبدأن بعمل ريجيم قاس لكي ينزلن بضعة كيلوغرامات لزوم التنورة السوداء الضيقة والقميص الأبيض الـ«كت» cut، وتجدهن يتسابقن على صالونات التسمير لعمل «تان» tan أو الجلوس فوق السطح لكي تحرقهن شمس الكويت ويصير لونهن برونزيا، ويتم حجز الصالونات قبل المعرض بشهر لكي يضمنَّ تصفيف الشعر حسب المطلوب لهذا اليوم الموعود.
لزوم الكشخة والـ«كول»