بما ان احنا في موسم انتخابات الحين
حبيت اقولكم عن عملية انتخابية بين مرشحين فقط
وكل شخص له الحق انه يصوت بغض النظر عن جنسيته او عمره
المرشحين اهما الارض والاحتباس الحراري
طريقة التصويت اهيا عن طريق الليتات
مو قاعد اتغشمر
في يوم تم تحديده
بهاليوم في ساعة معينة اذا طفيت الليت بتكون صوت للأرض
واذا خليت الليت شغال فتصويتك بيروح للإحتباس الحراري
انزين
الشغلة هذي منها فايدة ؟؟
يعني هل اذا طفيت الليت هالساعة مراح يصير في احتباس حراري؟
الحين اقولك
بس اول شي بعطيك فكرة عن المشروع
المشروع اسمه ساعة الارض
Earth Hour
بدايته كانت في 2007 ووقتها شارك 2.2 مليون بيت وشركة وطفوا ليتاتهم
في 2008 العدد ارتفع الى 50 مليون شخص طفى الليتات
والعدد المطلوب لهالسنة هو مليار
بعد هالعملية شنو راح يصير؟
هالعملية بترسل رسالة لقادة العالم اللي بيشاركون بمؤتمر للبيئة في كوبنهاغن
Global Climate Change Conference in Copenhagen
لمزيد من التفاصيل انظر الموقع الرسمي للمشروع
http://www.earthhour.org
موعدنا يوم السبت
28 مارس
الساعة 8:30 مساء بالتوقيت المحلي
صراحه موضوع ممتاز و تشكر عليه و معلومه جدا مفيده و البيئة هي من أهم إهتماماتنا دائما